pastor abhinay : ఎంత ప‌ని చేశావ‌య్యా

అల్లూరి సీతారామరాజు జిల్లా పాడేరు ఏజెన్సీలో ‘భరోసా పార్టీ’ అధ్యక్షుడు pastor abhinay (పాస్టర్ అభినయ్ దర్శన్) తనపై తానే దాడి చేయించుకున్న హైడ్రామా వెనుక ఉన్న పూర్తి వివరాలను పోలీసులు బట్టబయలు చేశారు. సోషల్ మీడియాలో విపరీతమైన పాపులారిటీ, రాజకీయ మైలేజ్, అలాగే సానుభూతి సంపాదించడం కోసమే ఈ సినిమా ఫక్కీ ప్లాన్ రచించినట్లు తేలింది.

ఇన్‌స్టాగ్రామ్‌లోనే పక్కా స్క్రిప్ట్!

ఈ డ్రామా అంతా జీకే వీధికి చెందిన ‘వసంత్ కుమార్’ అనే గిరిజన యువకుడిని ఇన్‌స్టాగ్రామ్ ద్వారా సంప్రదించడంతో మొదలైంది.

• వాయిస్ మెసేజ్‌లు: వసంత్ కుమార్‌ను లీడ్ రోల్‌గా పెట్టి, తనపై హత్యాయత్నం జరిగినట్లు నటించాలని పాస్టర్ అభినయ్ ఇన్‌స్టాగ్రామ్‌లో వాయిస్ మెసేజ్‌లు పంపాడు. అందుకు భారీగా డబ్బులు ఇస్తానని ఆశ చూపాడు.
• పాత్రల కేటాయింపు: కారులో ఉన్న ముగ్గురు, బయట దాడి చేసేలా నటించేందుకు మరో ముగ్గురు.. మొత్తం ఆరుగురితో కలిసి ఈ నకిలీ దాడి సీన్‌ను డిజైన్ చేశారు.

అడవిలో సీన్ రీక్రియేషన్.. బ్లేడుతో గాయాలు!

చింతపల్లి సబ్ డివిజన్ పరిధిలోని నిర్మానుష్య అటవీ ప్రాంతమైన నీరుతోటపాలెం కాఫీ తోటల సమీపంలో సోమవారం సాయంత్రం ఈ నాటకాన్ని అమలు చేశారు.

• గుడ్ల దాడి – కారు ధ్వంసం: ప్లాన్ ప్రకారం ముసుగులు ధరించిన వసంత్ కుమార్ గ్యాంగ్.. పాస్టర్ కారుపై మొదట గుడ్లు విసిరి, ఆపై కత్తులతో, ఆయుధాలతో దాడి చేస్తున్నట్లు నటించారు. కారు అద్దాలు పగలగొట్టారు.
• రియల్ గాయాలు: నిజంగానే హత్యాయత్నం జరిగిందని ప్రపంచాన్ని నమ్మించడం కోసం.. పాస్టర్ అభినయ్ తన తలపై, కాళ్లపై బ్లేడుతో స్వయంగా చిన్న గాయాలు చేసుకున్నాడు. ఆ తర్వాత తీవ్ర రక్తస్రావంతో రోడ్డు పక్కన పడిపోయినట్లు యాక్టింగ్ చేశాడు.

క్లైమాక్స్‌లో దొరికేసిందిలా..

దాడి తర్వాత బాధితుడి అవతారమెత్తి ఆసుపత్రిలో చేరి, ప్రభుత్వంపై బురదజల్లేలా వీడియోలు వదిలాడు. అయితే, జిల్లా ఎస్పీ అమిత్ బర్దర్ నేతృత్వంలోని స్పెషల్ టీమ్స్ పాస్టర్ ఇన్‌స్టాగ్రామ్ అకౌంట్‌ను, ఆడియో మెసేజ్‌లను, డాక్టర్ల మెడికల్ రిపోర్టులను పరిశీలించడంతో అసలు గుట్టు రట్టయింది. దీనికి తోడు అనుచరుడు వసంత్ కుమార్ ‘ఇదంతా డబ్బుల కోసం పాస్టర్ ఆడించిన డ్రామా’ అని ఒప్పుకున్న వీడియో సోషల్ మీడియాలో వైరల్ కావడంతో పాస్టర్ అభినయ్ ప్లాన్ పూర్తిగా pastor abhinay రివర్స్ అయింది.

ఇవి కూడా చ‌ద‌వండి

birdcare: మండుతున్న ఎండలు..