ఖాకీల చాకచక్యం: ఆరు గంటల్లోనే మిస్సింగ్ కేసు ఛేదించిన నందిగామ పోలీసులు!

నందిగామ: ఫిర్యాదు అందిన వెంటనే స్పందించి కేవలం 6 గంటల వ్యవధిలోనే అదృశ్యమైన బాలికను సురక్షితంగా కనిపెట్టి Nandigama Police తమ ప్రత్యేకతను చాటుకున్నారు. సాంకేతికతను సమయస్ఫూర్తిని ఉపయోగించి ఒక నిస్సహాయ కుటుంబంలో పోలీసులు నింపిన ఆనందంపై సర్వత్రా ప్రశంసల జల్లు కురుస్తోంది.

అసలేం జరిగిందంటే..?

పోలీసుల కథనం ప్రకారం.. ఎన్టీఆర్ జిల్లా నందిగామలోని ట్రైబల్ వెల్ఫేర్ (గిరిజన సంక్షేమ) పాఠశాలలో వీరులపాడు మండలానికి చెందిన ఒక బాలిక 6వ తరగతి చదువుతోంది. అయితే, ఆదివారం (12/07/2026) ఉదయం 5:00 గంటల సమయంలో సదరు బాలిక హాస్టల్ నుండి అదృశ్యమైంది. హాస్టల్ ఆవరణలో బాలిక కనిపించకపోవడంతో ఆందోళన చెందిన ట్రైబల్ వెల్ఫేర్ ప్రిన్సిపాల్ ఐ. సుజాత (I. Sujatha) ఉదయం 8:30 గంటలకు నందిగామ పోలీస్ స్టేషన్‌లో అధికారికంగా ఫిర్యాదు చేశారు.

రంగంలోకి దిగిన పోలీసులు.. గంటల వ్యవధిలోనే లభ్యం

ప్రిన్సిపాల్ సుజాత ఫిర్యాదుపై Nandigama Police తక్షణమే స్పందించారు. బాలిక వయస్సు, భద్రతను దృష్టిలో ఉంచుకుని ఏమాత్రం ఆలస్యం చేయకుండా Cr No: 173/2026 U/S (Girl Missing Case) కింద కేసు నమోదు చేశారు. ఉన్నతాధికారుల ఆదేశాలతో వెంటనే ప్రత్యేక బృందాలుగా విడిపోయి గాలింపు చర్యలు చేపట్టారు.

సమయస్ఫూర్తితో వ్యవహరించిన పోలీసులు బాలిక స్వగ్రామ పరిసర ప్రాంతాలను, ప్రయాణ మార్గాలను జల్లెడ పట్టారు. ఫిర్యాదు అందిన కేవలం “6” గంటల వ్యవధిలోనే, బాలిక ఊరి సమీపంలోనే ఆమెను సురక్షితంగా గుర్తించి అదుపులోకి తీసుకున్నారు.

nandigama hostal — nandigama-hostal-governamen

పోలీస్ శాఖపై ప్రశంసల జల్లు

సాధారణంగా మిస్సింగ్ కేసుల్లో మొదటి కొన్ని గంటలు అత్యంత కీలకమైనవి. అలాంటిది కేసు నమోదైన వెంటనే మెరుపు వేగంతో స్పందించి బాలికను సురక్షితంగా కాపాడిన Nandigama Police పనితీరు అద్భుతమని స్థానికులు కొనియాడుతున్నారు. బాధితులకు అండగా ఉంటూ ఫ్రెండ్లీ పోలీసింగ్‌ను నిజం చేసిన నందిగామ పోలీస్ సిబ్బందిని ఉన్నతాధికారులను పట్టణ ప్రజలు మరియు గిరిజన సంఘాల నాయకులు ప్రత్యేకంగా అభినందిస్తున్నారు.