నందిగామ, జూన్ 28 NDG NEWS : రాజధాని అమరావతి ప్రాంతంలో చోటుచేసుకుంటున్న nandigama news పరిణామాలు రాష్ట్ర రాజకీయాల్లో తీవ్ర కలకలానికి దారితీస్తున్నాయి. రాజధాని పరిరక్షణ కమిటీ పర్యటనలో భాగంగా వెళ్ళిన వైఎస్ఆర్ కాంగ్రెస్ పార్టీ మాజీ మంత్రులు, ఎమ్మెల్సీలపై జరిగిన దాడిని ఆ పార్టీ నేత తీవ్రంగా ఖండించారు. ఈ దాడిని ‘ప్రజాస్వామ్య ఖూనీ’గా అభివర్ణిస్తూ.. రాష్ట్రంలో జరుగుతున్నది ప్రభుత్వమా లేక గూండాల రాజ్యమా అంటూ వైఎస్ఆర్ సీపీ నాయకులు గంగోలు శ్రీనివాసరావు నిప్పులు చెరిగారు.

పట్టపగలే దౌర్జన్యం.. పోలీసుల సమక్షంలోనే అరాచకం!

నిన్న జరిగిన దాడిపై ఆదివారం తీవ్రంగా స్పందించిన గంగోలు శ్రీనివాసరావు దళిత ఎమ్మెల్సీ nandigama news మొండితోక అరుణ్ కుమార్ వాహనాలపై జరిగిన దాడిని ఉటంకిస్తూ చంద్రబాబు నాయుడు ప్రభుత్వంపై తీవ్రస్థాయిలో విరుచుకుపడ్డారు. “ప్రజా సమస్యలను తెలుసుకోవడానికి వెళ్ళిన ప్రజాప్రతినిధులపై దాడులు చేయించడం ద్వారా మీరు సమాజానికి ఏం సందేశం ఇస్తున్నారు?” అని ఆయన సూటిగా ప్రశ్నించారు.

ముఖ్యంగా ఈ దాడుల సమయంలో కొందరు పోలీసు అధికారులు దగ్గరుండి సమన్వయం చేయడం అత్యంత దారుణమని, పోలీసులు భద్రత కల్పించడానికి ఉన్నారా లేక అధికార పార్టీ గూండాలకు కాపలా కాయడానికా అని ఆయన నిలదీశారు.

అమరావతిలో రైతుల గోస.. తెరవెనుక ‘భూదాహం’

అమరావతి పేరుతో ప్రభుత్వం సాగిస్తున్న అరాచకాలను గంగోలు శ్రీనివాసరావు ఎండగట్టారు.

అక్రమ భూసేకరణ: రైతుల భూములను లాక్కోవడానికి నోటీసుల పేరుతో వేధించడం.
దోపిడీ: అనుమతి లేకుండానే రైతుల పొలాల్లో మట్టి తవ్వకాలు, కొండవీటి వాగు నీటిని nandigama news బలవంతంగా రైతుల భూముల్లోకి మళ్లించడం.
రిజిస్ట్రేషన్ల లీలలు: యజమానుల అనుమతి లేకుండానే రిటర్నబుల్ ప్లాట్ల పేరుతో భూముల రిజిస్ట్రేషన్లు చేయించడం.

“ఇన్ని రకాలుగా రైతులను నరకయాతనకు గురిచేస్తూ వారి కన్నీళ్లను చూసి కూడా చలించకుండా బాధితులకు అండగా నిలిచిన వారిపై రౌడీయిజం చేయిస్తారా?” అంటూ ఆగ్రహం వ్యక్తం చేశారు. వేలాది ఎకరాలు తీసుకున్నా ఇంకా భూమి ఎవరి కోసం ఎవరి బినామీలకు కట్టబెట్టడానికి ఈ దోపిడీ అని ఆయన ప్రశ్నించారు.

హెచ్చరిక: “దుష్ట సంప్రదాయానికి మూల్యం తప్పదు”

చంద్రబాబు నాయుడు పాలనలో ‘జంగిల్ రాజ్’ పాలన నడుస్తోందని, పోలీసు వ్యవస్థను అడ్డుపెట్టుకుని ప్రతిపక్షాల గొంతు నొక్కే ప్రయత్నం చేస్తున్నారని గంగోలు ఆరోపించారు. ప్రజా గొంతుకలను అణచివేస్తూ మీరు సాగిస్తున్న ఈ దుష్ట సంప్రదాయానికి కాలమే సమాధానం చెబుతుంది. మీ అరాచకాలకు, అవినీతికి ప్రజలు తగిన బుద్ధి చెబుతారు. ప్రభుత్వ కూకటివేళ్లను పెకలించడం ఖాయం అని ఆయన హెచ్చరించారు.

దాడులకు వైఎస్ఆర్ సీపీ భయపడే ప్రసక్తే లేదని, అమరావతి రైతులు, బాధితుల పక్షాన nandigama news నిలబడి, ప్రభుత్వ దోపిడీలను ఎప్పటికప్పుడు ఎండగడతామని శ్రీనివాసరావు స్పష్టం చేశారు. బాధితులు ఎవరూ ఒంటరి వారు కాదని, వైఎస్ఆర్ సీపీ వారికి అండగా ఉంటుందని భరోసా ఇచ్చారు.