మన ఊరు.. మన సంస్కృతి.. గురించి తెలుసుకుందాం.. ఎంతైనా పల్లె festival వాతావరణంలో జరిగే పండుగల ప్రత్యేకతే వేరు. ఇప్పడు వెలది కొత్తపాలెంలో అంకమ్మ తల్లి తిరుణాల వైభవంగా జరుగుతున్నాయి ఆ తిరునాళ్లను చూద్దామా రండి.
ఎన్టీఆర్ జిల్లా చందర్లపాడు మండలం వెలది కొత్తపాలెం గ్రామంలో ఆధ్యాత్మిక శోభ అంబరాన్ని అంటింది. గ్రామంలో వెలసిన శ్రీ వేలది అంకమ్మకి ప్రతి ఏడాది విశేష పూజా కార్యక్రమాలు నిర్వహిస్తారు. ఆ తల్లి తిరుణాల మహోత్సవ కార్యక్రమాలు అంగరంగ వైభవంగా మొదలయ్యాయి. మన ఊరు – మన సంస్కృతి – మన సంప్రదాయం ప్రతిబింబించేలా ఆలయ కమిటీ సభ్యులు, గ్రామ పెద్దలు ఈ వేడుకలను అత్యంత భక్తి శ్రద్ధలతో ప్రతిష్టాత్మకంగా నిర్వహిస్తుంటారు.
ఐదు రోజుల పాటు ఘనంగా వేడుకలు!
ఈ తిరుణాల మహోత్సవాన్ని మొత్తం ఐదు రోజుల పాటు శాస్త్రోక్తంగా జరుపుతారు.
- మొదటిరోజు ప్రత్యేకత: ఉత్సవాల్లో భాగంగా మొదటిరోజు అమ్మవారి ‘సత్తి కొలువు’ కార్యక్రమాన్ని అత్యంత వైభవంగా నిర్వహించారు. ఆలయ కమిటీ సభ్యులు, అర్చకులు అమ్మవారికి ప్రత్యేక పూజలు, అభిషేకాలు నిర్వహించి ఉత్సవాలకు భక్తి శ్రద్ధలతో శ్రీకారం చుట్టారు.
- భక్తుల కోలాహలం: అమ్మవారి ఆశీస్సుల కోసం చుట్టుపక్కల గ్రామాల నుంచి భక్తులు భారీ సంఖ్యలో తరలివచ్చి అమ్మవారిని దర్శించుకున్నారు. వెలది కొత్తపాలెం గ్రామం ఆద్యాత్మీక భక్తిభావంతో పులకించిపోతోంది.
భారీగా భక్తులు
గ్రామస్తులు, భక్తులు అందరూ కలిసికట్టుగా జరుపుకునే ఈ festival (పండుగ) కు ప్రతి ఒక్కరూ హాజరై, ఆ అమ్మవారిని దర్శించుకుని తీర్థప్రసాదాలు స్వీకరించాలని ఆలయ కమిటీ సభ్యులు భక్తులను కోరారు. ఐదు రోజుల పాటు జరిగే వివిధ వాహన సేవలు, సాంస్కృతిక కార్యక్రమాలకు సంబంధించి ఇప్పటికే అన్ని ఏర్పాట్లను పక్కాగా పూర్తి చేసినట్లు కమిటీ ప్రతినిధులు వెల్లడించారు.